فضاءات ثقافية

قصيدة للشاعرة رشا فؤاد

22093776_488320844862620_559249714_n
بقلم نبض شرقي

البن اللى منشف ريقى

قهوتى على صبح قديم ف الحواديت مقلوبه

 

أصبحت البنت الحايرة ف حارتها دهاليز تفسير

 

من كتر البن اللى وجع قلبى

 

مراره… ف نشفان الريق

 

وحرارة روحى اللى بتعلى على حدود البوح

 

علشان تصرخ

 

فماتقدرشى

 

إظاهر إن الصمت بيلبس ماسك قديم

 

ف الوعى المشلول جواها

 

كرابيج ع الحلم المستخسر يطلع للنور

 

علشان الشمس على الأسفلت بتقتل

 

والضل ماحبش انه يشوفها بتجرى عليه

رشا فؤاد / مصر /