فضاءات ثقافية

طالع نازل

22093776_488320844862620_559249714_n
بقلم نبض شرقي

 

طالع نازل

مشدود نفسك بين جبلين

احلام البنت المسروقه اللى رميتها عليهم

مش قادرة تنجيك

وانت بتتصالح وتصالح

علشان يتشل حديد الشراعه

الأسود زنازين

فتلاقى الفكرة المطلوقه شناكل جواك

عاملالك ألف تحيه

بعنيها السحريه

بانورما بترسم مشهد

لخطيئك ع الأرض

وكإنك عاقل ومتيم بجنونك علشان تتحب

إضحك عيط

قطع فى جيوبك

كل بقايا الروح

علشان تتعلم حته مزيكا

بتحاول تبقى مقاسك جوه اللحن

تتغنى فى سيكا ونهاود كورال

أطفال …….

بتشوف الفيلم لأول مرة بدون فاصل

فتقولك ولا أصيل

متشعلق لسه فى يشمج أمك شبابيك

عرفتش تعاكس شكل الحارة

طربوش معووج

أصل القهوة المفتوحه ع البحرى كراسى

بتحمى الضل البايت من قبل  امبارح

ساتر رؤيه

علشان  كل اما بتتصالح

بتصالح نفسك بين جبلين

أحلام البنت المسروقه اللى رميتها عليهم

بتقولها لأول مرة سامحتك

بس ابعد

أنت القاتل جوه لقاك

الرحله

فراق مواعيد

اكتب رسالة…

رشا فؤاد / مصر /