فضاءات ثقافية

يا وريد الروح

47425130_2221992161166221_3015704234550099968_n
بقلم نبض شرقي

 

ياوريد الروح المتخبى فى دمك بركان

إياك تبعد

زهدك ف حياتى مازعلنيش

ياما شفتك جوة زحام الموت بتعيش

يمكن علشان …..

النفس الطالع.ويا دموع الارض

يادوب أطفال

بتجسد حلم الإستشهاد..

نظرة بريئه

بترحل كل رصاص المشهد للتطهير

شكل الشرير ….

بيعيد حسباته بجد ندم

شكل الطيب…. بيداوى هزيان الشرير

والناس البين البين دايما

بتعاتب روحها ضمير صاحى

هاتقول عادى

راح أقول كداب

دا الزحمه تابوت

هاجم ع الخلق

وصوتك ف السما تلاقيه مارجعش

إزاى هاتحس

إن هتاف القلب حزين

زلزال خوفه بيخرج م الارض

ويلم اصحابك ذكرى قديمه بتتحداك

تدخل بالغصب

مصارعه ذاتك ف الرؤيه

علشان حالف

إنك ماتفوقش

حتى جفونك

بتخبى عينيك بالأمر زهق

علشان تزرع جوايا ملل

ضرب الكرابيج مشهد يومى

ياللى انت مقضيها فتاوى

وغاوى التبرير

طير.. مطرح ماطير يا حزين

بس اتعلم …..

لو نطت رجليك ع الأرض فى يوم ماتلومش……

التوبه اللى انت بتحلم بيها تكون ذنبك

ولا حتى الذنب…..

اللى انت غويته تملى انه مصاحبك

رشا فؤاد / مصر /