فضاءات ثقافية

أنا فرح .. أنا خير

22237454_490948624599842_220268668_n
بقلم نبض شرقي

 

أنا وِش قديم فكر يغسل..

وشه بكام كلمه جديده .. فَ  باش

أنا شيخ كُتّاب قاعد يحفظ

فى كلام تلاميذه الحافيين

فى كلام مريديه الأوباش

أنا ميت عاش بعد الخمسين

وياريته ما عاش.

 

أنا فرح .. أنا خير

أنا كنت بادوّر ع الريحه ..

فى حاجات مالهاش أصلا مناخير

فى كلام مهموس فى ودان الشِعر

فى عيون البومه الواسعه بخوف

فى صوابع إيد مش عارفه تشوف

أنا طفل عبيط رايح يزرع

دراعات وكفوف

عند الطباخ

أنا حلم وشاخ.

 

أنا أصلا باكتب عن وجعي

لصديقي الميت من سنتين

وأكيد مش ممكن يسمعني

ولصاحب عايش .. مش معني

يسمع فى آهات.

 

ولنفسي ساعات.

أيمن هيبة / مصر /