فضاءات ثقافية

(حبيبه بابا رشا)

22093776_488320844862620_559249714_n
بقلم نبض شرقي

 

(حبيبه بابا رشا)

عارفه إنه مدخل غريب للقصيدة

بس يمكن

لإنه مش مجرد جمله ف كتاب الأغانى

ولا حتى تعبير لإكتمال النص

دا أنا وهو بس….

لإنى بشوف فى عينه دستور حياتى

بينكتب رقعه ف نسخ….

رقعه خطاوى ضحكته فى وشى

نسخ حضنى لرقته تسيبل

زى العبير لما يمسى جوه الورد

تنتشى روحى ف روحه جسم واحد

مفيش رشا

بابا وبس

هو اللى قدمنى ليكو بسرد إنسانى

عمرة ماشافنى ف التجربه قص ولصق

كان دايما

قصدى كنت أنا وهو نكرة أنصاف الحلول

بدون الخروج ع النص

ولسه القطر ماشى توت ف القصيدة

مين اللى هايكمل الأغنيه ف نشيدى….

ومين اللى يحدفنى ف حضن بابا شعر….

رشا فؤاد / مصر /